بالرغم من فتوي المجلس الأسترالي الذي أجاز بجواز صلاة الظهر بدلا من الجمعة وأوصي المسلمين في أستراليا بالصلاة في منازلهم, مازال مسجد باراماتا في سيدني يقيم صلاة الجمعة, متخذا احتياطات يري مديرو المسجد أنها كافية لمنع انتقال عدوي كورونا.
وفي منشور علي الفيس بوك قام أحد المستخدمين بنشر قائمة بالاجراءات التي يتبعها المسجد مع بعض الصور التي توضح شكل صلاة الجماعة الان وجاء في المنشور:
بعد قرار الحكومه الاستراليه إلغاء كافه التجمعات الرسميه الغير ضروريه و وضع قيود على التجمعات اللى بينظمها الأفراد و المؤسسات الخاصه و حصر العدد على ١٠٠ شخص لو التجمع داخلى و ٥٠٠ لو التجمع فى الهواء الطلق !
ظهرت معضله للمسلمين و هى صلاه الجمعه ! المفتى اعلن إلغاء الجمعه و الجماعات و مساجد كتير اختارت الرأى ده و دى حاجه سليمه لا غبار عليها !
و لكن الاخوه فى مسجد باراماتا (و ده مسجد مركزى فى منطقه مهمه و بيصلى فيه المئات)و طبعا صلاه الجمعه فرض و الإخوه حرصوا على إقامتها و لكنهم اتبعوا تعليمات و اجراءات تستحق الاشاده :
١- شخص واقف قدام باب المسجد معاه Hand sanitizer و بيعقم إيدين الاشخاص اللى داخلين
٢- معاه عداد فى ايده بيعد الناس و لما العدد يوصل ١٠٠ بيقفل الباب و تبدأ الخطبه
٣- وقت الخطبه ٥-٧ دقايق بالكتير
٤- تم وضع ملصقات على الارض على بعد متر و نص بينهم اتباعا لتعليمات الجهات الصحيه بعمل social distancing 1:50 m بين الناس فى الاماكن العامه
٥- الامام قرأ ايه واحده فقط و كانت ذات دلاله
قُل لَّن يُصِيبَنَآ إِلَّا مَا كَتَبَ ٱللَّهُ لَنَا هُوَ مَوۡلَىٰنَاۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ التوبة 51]
٦- ما بين كل خطبه و اللى بعدها كان فى احد الإخوه بيعقم السجاد
٧- تم توزيع ورقه كلينكس على المصلين للسجود عليها و بعدين اتطلب منهم يرموها
٨- تم التنبيه بالانصراف سريعًا بعد الصلاه دون صلاه سنه.
يذكر أ، رئيس الوزراء الأسترالي سكوت موريسون قد اعلن قبل ساعات قرارا بزيادة التباعد الاجتماعي الي مساحة 4 متر مربع لكل فرد, اي 25 فرد في مساحة 100 متر فقط. ومن غير المعلوم اذا كان المسجد سوف يستمر في اقامة صلاة الجماعة تحت هذه القواعد الجديدة أم لا.
